Mikael Neville Anderson dró sig í upphafi vikunnar úr landsliðshópnum fyrir komandi leiki gegn Svartfjallalandi og Wales vegna nárameiðsla.
Tipsbladet í Danmörku fjallar um það í dag að Mikael hafi lítið sem ekkert æft með AGF frá því í síðasta landsliðsverkefni.
Mikael var stífur eftir leik AGF gegn FCK um liðna helgi og var ákveðið að hann færi ekki í landsleikina. Hann hefur mikið verið með sjúkraþjálfara og æft á lægra tempói en liðsfélagar sínir að undanförnu. Hann er hins vegar það mikilvægur AGF að hann hefur spilað leikina.
Tipsbladet í Danmörku fjallar um það í dag að Mikael hafi lítið sem ekkert æft með AGF frá því í síðasta landsliðsverkefni.
Mikael var stífur eftir leik AGF gegn FCK um liðna helgi og var ákveðið að hann færi ekki í landsleikina. Hann hefur mikið verið með sjúkraþjálfara og æft á lægra tempói en liðsfélagar sínir að undanförnu. Hann er hins vegar það mikilvægur AGF að hann hefur spilað leikina.
„Mikael æfir einn. Í síðasta landsleikjahléi þá fór hann til Íslands, þrátt fyrir að vera að glíma við meiðsli og spilaði ekki í fyrri leiknum. Hann var að glíma við meiðsli í nára og á mjöðm. Hann svo spilaði seinni leikinn og eftir að hann kom hingað til baka höfum við þurft að fara sparlega með hann á æfingum. Hann er á verkjalyfjum og átti góðan leik í síðasta leik," segir Uwe Rösler sem er þjálfari AGF.
Rösler segir að samtalið við landsliðsþjálfarann Age Hareide hafi verið tekið og hann skildi stöðuna. „Við erum að reyna ná honum til baka og draga úr einkennum meiðslanna áður en hann byrjar að æfa í næstu viku. Hann æfir ekkert með okkur í þessari viku," segir Rösler sem sér fyrir sér að nota Mikael í leiknum gegn Nordsjælland eftir viku.
AGF er með jafnmörg stig og FCK og Midtjylland á toppi dönsku deildarinnar.
Landslið karla - Þjóðadeild
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Tyrkland | 4 | 3 | 1 | 0 | 8 - 3 | +5 | 10 |
| 2. Wales | 4 | 2 | 2 | 0 | 5 - 3 | +2 | 8 |
| 3. Ísland | 4 | 1 | 1 | 2 | 7 - 9 | -2 | 4 |
| 4. Svartfjallaland | 4 | 0 | 0 | 4 | 1 - 6 | -5 | 0 |
Athugasemdir
