Áslaug Munda Gunnlaugsdóttir.
Sædís Rún Heiðarsdóttir.
Áslaug Munda Gunnlaugsdóttir er komin aftur í landsliðshópinn í fyrsta sinn í dágóðan tíma.
Áslaug Munda á að baki sextán landsleiki en spilaði síðast gegn Sviss í apríl í fyrra. Hún hefur verið að glíma við meiðsli, eftirköstin af slæmu höfuðhöggi.
Áslaug Munda á að baki sextán landsleiki en spilaði síðast gegn Sviss í apríl í fyrra. Hún hefur verið að glíma við meiðsli, eftirköstin af slæmu höfuðhöggi.
Hún hefur verið að spila afar vel með hinum virta Harvard háskóla í Bandaríkjunum og er núna mætt aftur í hópinn.
„Staðan á henni er bara góð. Hún hefur verið að spila í háskólaboltanum í Bandaríkjunum í tvo mánuði rúmlega og það hefur gengið vel," sagði Þorsteinn Halldórsson, landsliðsþjálfari, á fréttamannafundi í dag.
„Ég ákvað að skoða hana í þessu verkefni og sjá raunverulega hvert standið á henni er nákvæmlega. Hún er að ná fyrri styrk og er að nálgast sitt besta. Ég er bjartsýnn á að hún sé í það góðu standi að hún geti verið með okkur."
Með innkomu Áslaugar Mundu er staða vinstri bakvarðar mjög vel mönnuð fyrir framtíðina en þar er einnig Sædís Rún Heiðarsdóttir. Hún varð á dögunum norskur meistari á sínu fyrsta tímabili með Vålerenga.
„Það skiptir okkur máli að leikmenn séu að standa sig í sínum félagsliðum. Ef þær eru að bæta sig, þá er það gott fyrir okkur. Ég held að það hafi verið gott fyrir Sædísi að fara hærra og spila í betra liði. Það hefur hjálpað henni. Hún er á góðri leið með að verða betri. Við verðum að sjá hvernig þróunin er á Mundu eftir þessa mánuði í Bandaríkjunum," sagði Steini.
Athugasemdir
