Völlurinn í Niksic í morgun.
Ísland mætir Svartfjallalandi í Þjóðadeildinni klukkan 17:00 í dag en leikurinn fer fram í rúmlega klukkutíma fjarlægð frá höfuðborginni, Podgorica, þar sem þjóðarleikvangurinn var ekki samþykktur af UEFA útaf ástandi grassins.
Völlurinn í Niksic tekur 5500 áhorfendur en búist er við að 4000 verði á leiknum í kvöld. Þar af er vitað af örfáum Íslendingum, færri en fimm.
Svartfjallaland er ekki fjölmennt land en þar búa rúmlega 630 þúsund manns. Það er fallegt veður í Niksic í dag, 11 stiga hiti sól og logn. Þegar leikurinn hefst og sólin er sest ætti að kólna nokkuð og þá verður aðeins 2 stiga hiti.
Fréttamenn á vellinum verða 26 í dag, 10 ljósmyndarar, tvær sjónvarpsstöðvar og ein útvarpsstöð.
Íslenskir fjölmiðlamenn á svæðinu verða sjö tveir frá Fótbolta.net, einn frá Morgunblaðinu og fjórir frá Sýn.
Athugasemdir
