AB Copenhagen mætti til leiks í þriðju efstu deild danska boltans í dag og skóp dýrmætan sigur gegn Thisted FC.
Aðeins eitt stig skildi liðin að fyrir viðureignina en lærisveinar Jóhannesar Karls Guðjónssonar unnu góðan sigur eftir að hafa komist í þriggja marka forystu í fyrri hálfleik.
Viðureignin var afar fjörug og tókst heimamönnum í Thisted að minnka muninn niður í eitt mark á 78. mínútu, en lokatölur urðu 2-4 fyrir AB.
Þetta er annar sigurinn í röð hjá AB eftir slaka byrjun á tímabilinu, en liðið er komið með 21 stig eftir 16 umferðir.
Ægir Jarl Jónasson og Ágúst Eðvald Hlynsson eru á mála hjá félaginu en voru ekki í hóp í dag.
Jason Daði Svanþórsson var þá í byrjunarliðinu hjá Grimsby sem heimsótti Newport County í League Two deildinni á Englandi.
Jason fékk að spila fyrri hálfleikinn en var skipt af velli í leikhlé í markalausu jafntefli.
Grimsby er í sjöunda sæti deildarinnar eftir þetta jafntefli, með 25 stig eftir 16 umferðir. Liðið er í baráttu um að komast upp í League One deildina.
Jón Daði Böðvarsson var að lokum í byrjunarliði Wrexham sem tapaði toppbaráttuslag á útivelli gegn Stockport County.
Wrexham leikur í League One deildinni og er þar í þriðja sæti eftir tapið, með 28 stig eftir 15 umferðir.
Jón Daði spilaði fyrstu 63 mínúturnar áður en honum var skipt af velli.
Thisted FC 2 - 4 AB Copenhagen
Newport 0 - 0 Grimsby
Stockport 1 - 0 Wrexham
Athugasemdir
