mán 21. nóvember 2022 12:36
Elvar Geir Magnússon
Greenwood þarf að bíða í rúmt ár eftir réttarhöldum
Mason Greenwood mætti í réttarsal í dag.
Mason Greenwood mætti í réttarsal í dag.
Mynd: Getty Images
Réttarhöldin yfir Mason Greenwood, 21 árs leikmanni Manchester United, hefjast 27. nóvember á næsta ári. Hann er sakaður um nauðgunartilraun.

Greenwood mætti í yfirheyrslu í réttarsal í Manchester í morgun en yfirheyrslan var aðeins um tíu mínútna löng.

Greenwood er ákærður fyrir fyrir tilraun til nauðgunar, fyrir ofbeldisfulla hegðun og fyrir að hafa ráðist á fyrrum kærustu sína, Harriet Robson. Hún tók upp myndbönd og myndir af Greenwood sem fóru á netið í janúar mánuði á þessu ári.

Síðan Greenwood var handtekinn hefur hann hvorki æft né spilað með Manchester United sem heldur samt sem áður áfram að borga laun hans.
Athugasemdir
banner
banner
banner
banner