Rúnar Már Sigurjónsson, leikmaður ÍA, hefur spilað sinn síðasta leik í sumar en hann er á leið í aðgerð.
Þetta staðfesti Jón Þór Hauksson í viðtali við Fótbolta.net eftir tap liðsins gegn Stjörnunni á mánudagskvöldið.
Rúnar Már hefur ekki mikið getað tekið þátt með liðinu í sumar en hann hefur aðeins komið við sögu í tíu leikjum í Bestu deildinni. Hann meiddist á nára gegn Breðabliki í fyrstu umferð í úrslitakeppninni og þarf að fara í aðgerð.
ÍA er fimm stigum á eftir Val í baráttunni um Evrópusæti þegar þrjár umferðir eru eftir en Skagamenn fá FH í heimsókn í næstu umferð á sunnudaginn.
Athugasemdir
