Jesús Yendis er farinn frá fram og genginn til liðs við CD Hermanos Colmenarez í heimalandi sínu, Venesúela. Fótbolti.net greindi frá því í janúar að hann væri á heimleið.
Liðið er búið að spila einn leik sem tapaðist.
Vinstri bakvörðurinn gekk í raðir Fram síðasta vetur og skrifaði þá undir tveggja ára samning. Már Ægisson stimplaði sig inn í lið Fram og lék flesta leikina í vinstri bakverðinum og því voru mínútur Jesús Yendis takmarkaðar.
Jesús Yendis er 24 ára gamall og byrjaði sjö leiki í Bestu deildinni og kom sjö sinnum inn á sem varamaður. Átta sinnum var hann utan leikmannahóps á leikdegi, einu sinni tók hann út leikbann og fjórum sinnum var hann ónotaður varamaður.
Athugasemdir
