Beitir Ólafsson - KR: Haförninn í Vesturbænum hefur verið frábær í markinu og slökkt í efasemdarröddum.

Arnór Sveinn Aðalsteinsson - KR: Þessi reynslumikli varnarmaður hefur spilað eins og kóngur, hvort sem það er í bakverði eða miðverði.

Josip Zeba - Grindavík: Hrikalega öflugur króatískur miðvörður sem hefur reynst Grindavík happafengur. Grindavík hefur aðeins fengið á sig níu mörk í Pepsi Max-deildinni.

Damir Muminovic - Breiðablik: Damir er vanur því að vera í úrvalsliði sem þessu enda verið einn besti varnarmaður deildarinnar undanfarin ár.

Pálmi Rafn Pálmason - KR: Bestur í umferðum 1-11. Lykilhlekkur á miðju toppliðsins, sannur leiðtogi á velli sem setur tóninn fyrir liðið.

Kolbeinn Þórðarson - Breiðablik: Þessi ungi leikmaður er orðinn lykilmaður hjá Breiðabliksliðinu og má reikna með því að erlend félög séu með augastað á honum.

Hilmar Árni Halldórsson - Stjarnan: Heldur áfram að sýna gæði sín fyrir Stjörnuliðið og búa til mörk.

Óskar Örn Hauksson - KR: Fyrirliði KR-inga er að sjálfsögðu í liðinu. Gæðin eru gríðarleg og hann eldist eins og rauðvín.

Aron Bjarnason - Breiðablik: Hefur stigið upp og náð meiri stöðugleika í sínum leik. Þegar hann er í gírnum er nánast ómögulegt að ráða við hann.

Tryggvi Hrafn Haraldsson - ÍA: Var valinn besti leikmaður fyrsta þriðjungs af lesendum Fótbolta.net. Skagamenn hafa gefið eftir og flug hans hefur lækkað en hann nær þó sæti í úrvalsliðinu.

Tobias Thomsen - KR: Er með eiginleika sem hafa nýst KR-ingum frábærlega. Þó hann skori ekki í öllum leikjum er hann að spila virkilega vel og tekur mikið til sín.

Varamannabekkur:
Gunnleifur Gunnleifsson - Breiðablik
Finnur Tómas Pálmason - KR
Óttar Bjarni Guðmundsson - ÍA
Arnþór Ingi Kristinsson - KR
Stefán Teitur Þórðarson - ÍA
Ólafur Karl Finsen - Valur
Thomas Mikkelsen - Breiðablik

Brottrekstur, risakaup og toppslagur. Öflugt 70 mínútna Innkast eftir 11. umferðina #fotboltinet https://t.co/j43fpom4oQ

— Fótbolti.net (@Fotboltinet) July 2, 2019