Enski miðjumaðurinn hefur ekki átt fast sæti í byrjunarliði Liverpool síðustu ár en hann kom til félagsins frá Arsenal fyrir fimm árum.

Meiðslavandræði hans hafa mikið um það að segja. Hann átti gott fyrsta tímabil með liðinu en meiddist illa og var frá í ár og spilaði aðeins fáeinar mínútur á öðru árinu.

Hann hjálpaði Liverpool að vinna ensku úrvalsdeildina á þriðja tímabili sínu en það var sama sagan tímabilið eftir og meiddist hann aftur.

Englendingurinn var mikið frá í byrjun á þessari leiktíð vegna meiðsla aftan í læri en er nú mættur aftur.

Samningur hans rennur út á næsta ári og mun Liverpool ekki framlengja samning hans samkvæmt Fabrizio Romano. Honum er því frjálst að ræða við önnur lið í janúar.

Liverpool ætlar að fjárfesta í miðsvæðinu næsta sumar en Jude Bellingham, leikmaður Borussia Dortmund, er sagður efstur á lista hjá félaginu.