Fótbolti.net

Var í viðræðum við óvænt félag er Keflavík hafði samband - „Á alltaf að treysta innri tilfinningu"

Túfa: Þetta er ekki að gerast í fyrsta skipti

Árni Freyr: Auðvitað aðeins meiri orka hjá þeim í lokin

Sverri finnst gaman að taka þátt í nýjungum og fagnar því að Jói bætist við

Valgeir klár í að byrja - „Skemmtilegra að vera aðeins ofar á vellinum“

Stefán Teitur: Það var lítið sofið í flugvélinni

Benoný farinn að vekja athygli á Englandi - „Algjör draumur“

Sú markahæsta mætt aftur í grænt: Langaði að fara heim og finna gleðina

Eggert Aron spenntur fyrir nýju verkefni - „Þetta er hálfgerð klikkun“

Aron Einar: Skrítið að segja það

Ísak þakklátur fyrir traustið: Eins og lítið barn sem er að sjá eitthvað skemmtilegt í sjónvarpinu

Arnar Gunnlaugs: Himinn og jörð eru ekki að farast

Hákon Rafn: Bæði skotin fara í gegnum klofið á varnarmanni

Logi: Fannst þetta vera brot og þess vegna hleyp ég að honum

Orri Sigurður: Erum bara búnir að tapa einum eða tveimur leikjum í allan vetur

Segir leikinn hafa farið í rugl: „Skilst að hann hafi bara kýlt hann í andlitið"

Túfa segist ekki vera að leita að markverði: „Þarf ekki að spá hvort dómurinn var réttur eða rangur"

Ferðast með bát í heimaleikina - „Tilbúinn að spila allsstaðar"

Þórir Jóhann: Var súrt að þurfa að sitja heima

Hungur og HM draumar í Aroni Einari - „Góður vinur minn Aron Pálmars talaði um það sama“

sun 25. september 2022 17:15

Sverrir Örn Einarsson

Gunnar Magnús: Smá styrkingar þá getur þetta félag alveg tekið næsta skref

Gunnar Magnús Jónsson

Mynd: Fótbolti.net - Hafliði Breiðfjörð

„Það er hundfúlt alltaf að tapa fótboltaleik en ég er aðallega fúll með frammistöðuna í dag. ´Hún var lengst af alls ekki ásættanleg og ég veit ekki hvað það er einkenni okkar að þegar við erum með bakið upp við vegg eiga stelpurnar sína bestu leiki en hvort úrslitin í gær hafi gert það að verkum að frammistaðan var ekki betri en þetta er stórt spurningamerki.“
Sagði Gunnar Magnús Jónsson þjálfari Keflavíkur eftir 2-1 tap Keflavíkur gegn ÍBV fyrr í dag en Keflavíkurliðið var öruggt með sæti sitt í deildinni eftir að Afturelding laut í lægra haldi gegn Val í gær.

Lestu um leikinn: Keflavík 1 - 2 ÍBV

Að litlu er í raun að keppa fyrir Keflavík sem á eftir einn leik eftir í mótinu. Framundan er þó að hefja undirbúning liðsins fyrir þriðja tímabilið í röð í efstu deild. Hvað þarf Keflavík að gera til þess að stíga næsta skref og mögulega slíta sig frá botnbaráttunni og klífa aðeins upp töfluna á næsta tímabili?

„Þetta eru pælingar sem við erum byrjuð að ræða. En fyrir þetta tímabil verða gríðarlegar breytingar á liðinu þannig að mér finnst í raun afrek hjá stelpunum og félaginu að við höfum náð að halda okkar sæti og tryggja okkur þegar tveir leikir eru eftir. Frá því í fyrra eru 8-9 leikmenn sem voru að spila meira en 10 leiki horfnir á braut þannig að þetta er nýtt lið og það eru ungar og efnilegar stelpur að koma upp sem að fengu mun stærra hlutverk núna en í fyrra. Ef að við byggjum ofan á það og þær taka enn stærra skref og við þurfum að fara í smá styrkingar þá getur þetta félag alveg tekið næsta skref sem að það þarf í rauninni að gera.“

Barna og unglingastarf knattspyrnufélaga í Reykjanesbæ er vaxandi og eftir gríðarlega fólksfjölgun undanfarin áratug er efniviðurinn að aukast. Framtíð liðsins gæti því verið björt haldi liðið rétt á spilunum.

„Það er eitthvað sem við erum meðvituð um. Við vitum að það er að koma mikið af ungum og efnileguim stelpum upp og hugsum svolítið til framtíðar. Við erum að gefa þessum stelpum tækifæri og vitum að það eru fleiri á leiðinni. Ef þú ætlar að halda fótboltafélagi í efstu deild þá þarftu að byggja svolítið á innviðum og geta verið með eitthvað af heimastúlkum til lengri tíma litið. Við erum með styrkingar hérna, erlenda leikmenn og lánsmenn en það er stefnan fram á við að reyna að byggja þetta enn meira upp á heimastelpum.“

Sagði Gunnar en allt viðtalið má sjá hér að ofan.