Mynd: EPA

Það varð uppi fótur og fit þegar myndband sem stelpan tók inn í rútunni fór á flug á samfélagsmiðlum. Þar má sjá Leonardo Bonucci fyrirliða ítalska liðsins reyna reka hana út.

Hann hefur nú svarað fyrir sig og segir m.a. að enginn hafi gefið henni leyfi til að fara í rútuna.

„Sem fyrirliði og einhver sem hefur orðið fyrir ásökunum vil ég koma því á framfæri að unga stelpan sem fór í rútuna var margoft beðin um að yfirgefa rútuna af starfsfólki liðsins, hún reyndi oft að koma sér inn í rútúna í leyfisleysi, hvað þá með leyfi þjálfarans," sagði Bonucci.

„Hún var margoft beðin um að fara en hún hafði þegar verið búin að taka myndir af sér með nánast öllum leikmönnunum við leikvanginn. Hún hunsaði reglurnar, hún fór samt í rútuna og byrjaði að taka upp á myndband. Rútan er eins og búningsklefinn, staður sem ókunnugir eru bannaðir."