Viðar Ari - Viðar var á láni hjá FH sumarið 2018.
Viðar Ari Jónsson og Emil Pálsson voru í byrjunarliði Sandefjord þegar liðið mætti Fredrikstad í æfingaleik í gær.
Leikurinn endaði með 1-3 tapi Sandefjord þar sem Viðar Ari skoraði eina mark Sandefjord.
Leikurinn endaði með 1-3 tapi Sandefjord þar sem Viðar Ari skoraði eina mark Sandefjord.
Í miðverði hjá Sandefjord byrjaði leikmaður að nafni Arnar Þór Guðjónsson. Arnar er fæddur á Íslandi en flutti snemma út til Noregs. Fréttaritari spurði Viðar út í það hver þetta væri:
„Hann heitir Arnar Þór Guðjónsson og er fæddur árið 1999," sagði Viðar við Fótbolta.net
„Hann hefur eiginlega búið í Noregi alla sína tíð og spilað með yngri liðum Stromsgodset. Hann hefur æft með okkur síðustu tvær vikur. Hann hefur verið á reynslu," bætti Viðar við og kvaðst ekki vita hvernig framhaldið yrði með Arnar.
Arnar er miðvörður sem kom árið 2018 við sögu í einum bikarleik með Stromsgodset. Annars hefur hann leikið með Fram Larvik í þriðju efstu deild. Arnar lék á sínum tíma tvo U18 ára landsleiki fyrir Noreg.
Sandefjord endaði í 2. sæti norsku 1. deildarinnar á síðustu leiktíð og leikur í efstu deild á þessari leiktíð. Fyrstu leikir deildarinnar eru snemma í apríl.
Sjá einnig:
Íslenskur strákur semur við Strömsgodset - Í norska U18 ára landsliðinu
Íslendingur valinn í U18 ára landslið Noregs
Her er laget og formasjonen Sandefjord startet dagens treningskamp med pic.twitter.com/aYJmJCWaLH
— FantasySpeideren (@FantasySpeider1) February 9, 2020
Athugasemdir
