Birkir Bjarnason landsliðsfyrirliði.
„Við erum með ungt lið, þeir hafa sjálfir sagt að neikvæðnin hefur slæm áhrif á þá," skrifaði Vanda Sigurgeirsdóttir, formaður KSÍ, meðal annars í pistli sem birtur var í gær.
Birkir Bjarnason landsliðsfyrirliði var spurður út í þessi orð á fréttamannafundi og hvort sú neikvæða gagnrýni sem hefur verið í gangi smitist inn í leikmannahópinn og hafi slæm áhrif?
Birkir Bjarnason landsliðsfyrirliði var spurður út í þessi orð á fréttamannafundi og hvort sú neikvæða gagnrýni sem hefur verið í gangi smitist inn í leikmannahópinn og hafi slæm áhrif?
„Ég er ekki alveg sammála því. Þetta hefur ekki verið rætt mikið innan hópsins. Eins og Arnar var að segja þá mega allir hafa sínar skoðanir. Við sem hópur vitum fyrir hvað við stöndum og hvað við erum að gera á æfingum," sagði Birkir.
„Við erum að bæta okkur á mörgum sviðum og einbeiting okkar verður að vera á okkur sjálfa, ekki því sem kemur utan frá. Þannig verðum við að hugsa um þetta."
Ísland fær Ísrael í heimsókn í Þjóðadeildinni á morgun. Landsliðið fékk mikla gagnrýni eftir leikinn gegn San Marínó í liðinni viku. Birkir var ekki með í þeim leik en tjáði sig lítillega um hann.
„Við erum auðvitað ekki ánægðir með leikinn en ég er sammála Arnari að við verðum bara að skilja hann eftir og einbeita okkur frekar að leiknum sem skiptir máli sem er á morgun," sagði Birkir Bjarnason.
Athugasemdir
