Maggý Lárentsínusdóttir.
Maggý Lárentsínusdóttir og Telma Hjaltalín Þrastardóttir verða ekki með nýliðum FH í Bestu deildinni í sumar þar sem þær eru báðar að fara að eignast barn.
Báðar spiluðu þær mikilvægt hlutverk í liði FH sem fór taplaust í gegnum Lengjudeildina í fyrra.
„Við erum ekki með Maggý sem skiptir okkur miklu máli varnarlega séð. Hún er ólétt og Telma Hjalta, sem skiptir okkur líka miklu máli í fyrra, er ólétt," sagði Guðni Eiríksson, þjálfari FH, í viðtali við Fótbolta.net.
„Þær eru að takast á við önnur hlutverk í dag."
Fótbolti.net óskar þeim báðum til hamingju en það eru spennandi tímar framundan hjá þessum öflugu fótboltakonum.
Eins og fram kom í gær þá er FH spáð tíunda sæti Bestu deildar kvenna.
Telma Hjaltalín Þrastardóttir.
Athugasemdir
