Búinn að vera geggjaður í sumar
Mér fannst frammistaðan hjá okkur góð alveg frá byrjun og við spiluðum góðan fótbolta og þú sérð það á mörkunum að við búum yfir gæðum og við verðum bara að halda áfram og undirbúa okkur fyrir næsta verkefni" Sagði sá portúgalski Tiago Fernandes leikmaður Fram í samtali við Fótbolta.net eftir 3-0 sigur á FH.
Lestu um leikinn: Fram 3 - 0 FH
Hvernig metur Tiago þetta tímabil í heild sinni hjá Fram?
"Í byrjun tímabils var þetta erfitt en þegar við byrjum að vinna fáum við mikið sjálfstraust og förum að koma stigum á töfluna og ég held að þetta hafi bara verið ágætt tímabil. Auðvitað viljum við enda í þessum efri helming deildarinnar en svo var ekki í ár, það er einn leikur eftir og við viljum klára tímabilið með stæl"
Tiago fór frá Grindavík í Fram á sínum tíma, hvers vegna?
"Vegna þess að ég missti heilt ár af fótbolta vegna meiðsla og svo kom Covid og ég þurfti bara að taka ákvörðun og þetta var mín ákvörðun. Fyrir mér var þetta gott fyrir mig persónulega, að prófa að fara í annað félag á Íslandi og prófa nýja hluti og spila öðruvísi fótbolta. Fram er mitt heimili og mér líður vel hérna og þess vegna framlengdi ég samninginn minn um tvö ár"
Talandi um nýja samninginn, hvað kom til að Tiago ákvað að framlengja?
"Ég held að allir vita að önnur lið voru að tala við mig en eins og ég sagði líður mér vel í Fram, ég átti samtal við stjórnina og þau hafa stót markmið og reyna koma Fram á sem hæstan stall í kringum þessi stóru lið á Íslandi, að keppa við þessi stóru lið og við munum halda áfram að æfa vel, gefa allt í hlutina og koma Fram á þann stað sem félagið á skilið að vera á"
Viðtalið má sjá í heild sinni hér fyrir ofan.
Athugasemdir
