Stórkostlegur leikur. Frábær sóknarbolti hjá báðum liðum og níu mörk. Við skulduðum okkar stuðningsfólki þessa frammistöðu sagði kampakátur Gústi Gylfa eftir 5 -4 sigur á HK í kvöld
Lestu um leikinn: Stjarnan 5 - 4 HK
Við vorum ekki búnir að skora í deildinni og það opnuðust flóðgáttir og bara virkilega góð frammistaða hjá okkur og hörkuleikur/i>
Hvað geturu sagt leikmenn eins og Ísak Andra og Guðmund Baldvin sem eiga frábæran leik í kvöld?
Þetta var sigur liðsheildarinnar og svo eru einn og einn sem brillera í leiknum en mér fannst allt liðið standa sig frábærlega vel. Stuðningsfólkið var frábært í dag, hjá báðum liðum og mikið til að fagna fyrir bæði lið, hellingur af mörkum og frábær fótboltaleikur
Við fáum mark á okkur í byrjun leiksins. Komum strax til baka og komumst yfir og manni leið mjög vel með liðið og frammistöðuna. HK sýndi gríðarlegan karakter og komast yfir fyrir hálfleik. Við ákváðum í hálfleik að halda áfram og spila þann leik sem við vorum búnir að gera í fyrri hálfleik, sóknarbolta og héldum ótrauðir áfram og það skóp þennan sigur
Nánar er rætt við Gústa í sjónvarpinu hér að ofan
