17. umferð Lengjudeildarinnar kláraðist í gær með tveimur leikjum sem frestað hafði verið vegna Covid vandamála. Hinir leikirnir voru spilaðir 19. og 20. ágúst.

Breki Ómarsson hefur verið sjóðandi heitur með ÍBV að undanförnu, hann skoraði sigurmarkið og var valinn maður leiksins þegar Eyjamenn stigu skref í átt að Pepsi Max-deildinni með því að vinna mikilvægan 1-0 útisigur gegn Þór Akureyri.

Felix Örn Friðriksson er einnig í úrvalsliðinu og líka Sigurður Arnar Magnússon sem var gríðarlega öflugur í hjarta varnar Eyjamanna.

Í gær gerðu Afturelding og Vestri 2-2 jafntefli. Pétur Bjarnason skoraði bæði mörk Vestra en maður leiksins var Valgeir Árni Svansson í Aftureldingu.