Fótbolti.net

Frétti á Instagram að hann yrði ekki áfram í Kanada - „Eins og er, þá er það ekki planið"

Sjáðu mörkin úr leik Fram og KR

Valdimar Þór: Smá einbeitingarleysi sem er stórhættulegt í þessari keppni

Glímir við sama vandamál og Guardiola - „Hvenær endar lærdómurinn?"

Ari Sigurpáls: Heiður að þeir hafi áhuga

Sjáðu mörkin úr Bose mótinu um helgina - Eiður byrjaði vel hjá KR

Axel Óskar kominn heim: Núna spilar maður með hjartanu

Jökull: Upplifði einhverja ást hér sem ég hef ekki upplifað áður

Þórður Gunnar: Leist best á Aftureldingu

Oliver með fiðring: Báðir bræður mínir spiluðu hér

„Einu leikmennirnir sem við höfum farið í viðræður við“

Segir Breiðablik vera alltof spennandi - „Virkilega margir sem skildu mig"

Arnar Pálmi: Aldrei upplifað annað eins

Sá leikjahæsti framlengdi við Völsung - „Ákvað að hætta því leikriti núna"

Alli Jói: Eins stórt og það gerist fyrir Völsung

Elfar Árni: Ekki hægt að segja nei þegar hann sagði mér að drulla mér heim

Var með nokkur tilboð en fannst FH langmest spennandi

Hoppaði í sófanum þegar lausn fannst - „Atvinnumennska að koma í Breiðablik"

Aftur upp í Bestu deildina - „Í sjálfu sér seldur eftir þann fund"

Valgeir vonar að fólk skilji sig - „Hef heyrt sögur úr Kórnum"

mið 13. júlí 2022 17:15

Sæbjörn Þór Þórbergsson Steinke
Manchester

Svava Kristín: Skíthrædd en veit að stelpurnar okkar eru alvöru töffarar

Svava Kristín tekur viðtal við Karólínu Leu.

Mynd: Fótbolti.net - Hafliði Breiðfjörð

„Ef ég á að vera alveg hreinskilin þá er ég ekki frá því að ég sé stressaðari núna en fyrir fyrsta leik. Við verðum að sækja stig, sækja úrslit og ég held að þessi leikur Ítalíu á móti Frakklandi sé ekki að fara hjálpa okkur neitt," sagði Svava Kristín Grétarsdóttir, íþróttafréttakona á Stöð 2, við Fótbolta.net í dag.

Íslenska kvennalandsliðið mætir Ítalíu á morgun í öðrum leik sínum í riðlinum á EM. Ísland er með eitt stig eftir jafntefli við Belgíu en Ítalía tapaði stórt í fyrsta leik sínum, 5-1 gegn Frakklandi.

„Ítalarnir eru miklu betri en þetta, þær þurfa að sýna landi og þjóð að þær séu betri en þetta. Ég er skíthrædd við þetta en ég veit að stelpurnar okkar eru alvöru töffarar og vita nákvæmlega hvað Ítalía getur. Vonandi verður þetta hörkuleikur, 50:50 leikur sem dettur okkar megin.

Viðtalið var tekið fyrir utan Akademíuleikvanginn í Manchester þar sem leikurinn á morgun fer fram. Blaðamenn voru nýbúnir að yfirheyra landsliðsþjálfarinn og Dagnýju Brynjarsdóttur á fréttamannafundi þegar rætt var við Svövu.

„Steini rígheldur í sínar skoðanir. Hann liggur á skoðunum sínum þegar kemur að andstæðingum, er ekki að gefa okkur mikið upp. Það er leiðinlegt að frétta af Telmu - ef hún er meidd - vonum það besta þar."

„Ég held ég sé bara peppuð, mér fannst þau gíruð, mér fannst þau með hausinn á réttum stað," sagði Svava.

Leikurinn á morgun hefst klukkan 16:00 á íslenskum tíma. Viðtalið við Svövu má sjá í heild sinni í spilaranum að ofan.