„Ég er bara mjög ánægður með leikinn frá fyrstu mínútu. Við gerum tvö til þrjú varnarmistök í fyrri hálfleik sem þeir skora úr en heilt yfir vorum við með ágætis tök á leiknum fannst mér.“ sagði mjög sáttur Ian Jeffs, þjálfari Þróttar, eftir 2-1 sigur á Gróttu.
Lestu um leikinn: Þróttur R. 2 - 1 Grótta
Fyrri hálfleikurinn var mjög kaflaskiptur en maður leið alltaf eins og mörkin væru á leiðinni í seinni hálfleik.
„Já mér leið þannig í seinni hálfleik. Mér leið eins og markið væri á leiðinni. Mér fannst það vera sanngjarnt þegar við jöfnuðum því við vorum betri þá. En heilt yfir fannst mér þessi þrjú stig sanngjörn í dag hjá okkur.“
Rétt fyrir hálfleik, í stöðuni 0-1, jafnið þið leikinn en markið var dæmt af þar sem flaggið fór á loft. Fékkstu einhverjar nánari útskýringar á því?
„Ég spurði hann og hann sagði að þetta hafi verið rangstaða. En ég er samt búinn að heyra annað, sem sagt að þetta hafi ekki verið rangstaða. En þetta var lykilatriði í leiknum því það er öðruvísi að fara inn í hálfleikinn í stöðunni 1-1 en 0-1. En strákarnir svöruðu þessu bara mjög vel. Við vorum mjög pirraðir og svekktir í hálfleik með það að merkið hafi ekki staðið en við náðum að endurstilla okkur og koma einbeittir í síðari hálfleikinn.“
Sigurmarkið hjá Jörgen kom beint úr pressunni ykkar en þeir voru búnir að vera mjög kaldir í markspyrnunum sínum í dag . Var þetta eitthvað sem var lagt upp með fyrir leik að pressa þá hátt?
„Við vorum búnir að leggja leikinn þannig upp að við ætluðum að pressa þá hátt á vellinum þegar þeir ætluðu að spila út frá marki. Mér fannst það ganga mjög vel, við vorum að vinna boltann mjög oft á sóknarþriðjungnum í dag. Ég er bara mjög ánægður með það.“
Næsti leikur er útileikur gegn Grindavík, hvernig leggst það í þig?
„Eins og ég segi í hverju einasta viðtali að þá eru allir leikir í þessari deild erfiðir. En ég hlakka til að hitta Helga og keppa á móti Grindavík, þetta verður hörkuleikur!“ sagði Ian Jeffs að lokum eftir 2-1 sigur Þróttara á Gróttu.
Viðtalið má sjá í spilaranum hér að ofan.
