Hallgrímur Jónasson er ánægður með úrslit dagsins og tímabilið í heild sinni. Hann segir þá hafa verið tilbúna að ná svona langt á tímabilinu.
Lestu um leikinn: KA 2 - 0 Valur
Þegar spurður hvort KA menn séu sáttir með úrslit dagsins og Evrópubolta á næsta tímabili segir Hallgrímur „Já við erum gríðarlega ánægðir með að hafa haldið dampi út tímabilið og við náðum þessu öðru sæti sem við settum okkur sem markmið núna hérna fyrir úrslitakeppnina. Vinnum í dag, kannski vorum ekkert frábærir til að byrja með og Valur voru svona í við meira með boltann en leikurinn breytist við dauðafærið sem við fáum og klúðrum og þeir frá rautt spjald og við skorum úr vítinu og eftir það klárum við leikinn mjög professional þannig að ég er gríðarlega ánægður.
Hallgrímur segir "Við vissum fyrir tímabilið að við værum með sterk lið og þar sem við erum búnir að vinna í tvö ár með sömu prinsipp og atriði að þá töldum við okkur vera sterkari í ár en í fyrra og það reyndist vera rétt. Að ná öðru sætinu er gríðarlega góður árangur, það er mikið búið að ganga á hérna á KA svæðinu, við fengum nýtt gras, það er búið að vera full af sjálfboðaliðum að byggja og aðstoða og það er búið að vera mikill uppgangur í félaginu. Við missum okkar markahæsta leikmann fyrir úrslitakeppnina og samt áfram að ná úrslitum. Við missum tvö leikmenn út tímabilið eftir það en höldum samt áfram að gera vel þannig að ég er gríðarlega ánægður og stoltur af hópnum og gríðarlega ánægður með alla sem standa að KA“
Viðtalið má sjá í heild sinni í spilaranum hér að ofan.
Athugasemdir
