Steven Lennon
„Fyrst af öllu við héldum okkur uppi sem er gott. Hvað mig persónulega þá er það ekkert leyndarmál að ég hef verið fjarri mínu besta. En svona er fótboltinn og þetta gerist á bestu bæjum. Þetta er bara eitthvað sem ég er að ganga í gegnum og verður vonandi ekki lengra en bara þetta ár.“ Sagði Steven Lennon leikmaður FH um tímabil sitt þetta árið en Lennon hefur verið ólíkur sjálfum sér ef miðað er við undanfarin tímabil með FH.
Lestu um leikinn: FH 1 - 2 ÍA
Hvað sem veldur hjá Lennon er hægt að ræða en fréttaritari spurði hann hvort hann hefði verið að glíma við einhver meiðsli á tímabilinu eða annað slíkt sem hafi aftrað honum?
„Það væri auðvelda afsökunin. Auðvitað eru smávægileg meiðsli hér og þar. Sjaldan er ein báran stök og því miður hefur það verið þannig hjá mér á þessu tímabili. En nú er tímabilinu lokið og ég ætla að fara í frí og njóta mín og koma vonandi til baka inn í næsta tímabil sem sá Steven Lennon sem fólk þekkir.“
Það er þó ekki bara Lennon sem hefur átt erfitt uppdráttar í sumar en FH liðið var í basli lengst af á tímabilinu og er í raun að halda sér í deildinni á markatölu. Staða sem er óásættanleg fyrir klúbb eins og FH með þann hóp sem þeir hafa úr að spila?
„Fótbolti er ekki leikinn á pappír og er ekki spilaður með nöfnum. Þú verður að vinna vinnuna á vellinum. Mörg þessi nöfn í liðinu eru eldri leikmenn í dag sem eru ekki upp á sitt besta og þá þurfa yngri leikmenn að stíga upp. Mér finnst upp á síðkastið í síðustu 5-6 leikjum að þeir hafi verið að gera það sem er jákvætt en margir af ungu strákunum þurfa að mun meira og ég er vissu um að á komandi árum munu þeir gera það.“
Athugasemdir
