Fótbolti.net

Tími kominn til að taka skrefið - „Hitti hann á göngugötunni á Tenerife"

„Pældi bara í því sem var á borðinu og Víkingur var númer eitt"

Ánægður með Þungavigtarbikarinn: Öðruvísi að hafa æfingaleikina sem mót

Dóri Árna: Erum í leit að hafsent og senter

Óli Valur skoraði gegn gömlu félögunum: Virkilega gaman, toppmenn

Markus Nakkim: Besta ákvörðunin fyrir mig að koma til Íslands

Unnur skiptir um félag í fyrsta sinn - „Þurfti á þessu að halda"

„Einhver áhugi en Stjarnan var alltaf að fara að vera valin"

Óskar Hrafn um félagskiptamarkaðinn: Verðum ekki mjög aktívir

Gylfi hefur heyrt í Arnari: Samband okkar hefur ekkert breyst

Sölvi Snær á varnaræfingum KSÍ: Fer betri leikmaður útaf þessum æfingum

Jörundur Áki: Þeir hafa margt fram að færa sem krakkarnir geta lært af

Hugurinn leitaði heim eftir góð ár í Árbæ - „Var svolítið ákveðin"

Norðurálsmótið 40 ára í sumar

Kári Árna: Týndu synirnir eru komnir aftur heim

Viktor Bjarki aðstoðar Sölva: Verið draumur mjög lengi

Sölvi fengið góðan skóla og stígur nú í stóra skó - „Búinn að heilaþvo mann síðustu sex árin"

Endurnýjar kynnin við Arnar - „Vona að hann hafi lært eitthvað"

Arnar í draumastarfið: Ótrúlega ljúft en að sama skapi smá sorg

Eyþór með skýr markmið í nýju liði - „Þetta er bara mín vinna"

sun 01. september 2024 22:01

Sölvi Haraldsson

Jón Þór fékk rautt spjald: Það virtist enginn vita það

Jón Þór Hauksson var hissa að fá rauða spjaldið í dag.

Mynd: Fótbolti.net - Hafliði Breiðfjörð

„Hrikalega svekkjandi. Við vorum ekki góðir í fyrri hálfleik og vorum að spila illa. Við misstum tökin á skyndisóknaleiknum og vorum ekki vel staðsettir þegar við vorum að tapa boltanum. KR-ingar eru fljótir fram á við og við vissum það. Við gerðum það ekki nægilega vel. Við byrjuðum sterkt en kannski var ég búinn að leggja of mikið púður í það að byrja leikinn af krafti. Við byrjuðum seinni hálfleikinn vel en náðum því miður ekki að nýta þann kafla í að vinna leikinn.“ sagði Jón Þór Hauksson, þjálfari ÍA, eftir 4-2 tap gegn KR í dag.

Lestu um leikinn: KR 4 - 2 ÍA

Jón Þór fékk rautt spjald í seinni hálfleik eftir að hafa beðið um vítaspyrnu sem honum fannst strangur dómur.

„Nei ég á eftir að fá þær en við vildum fá vítaspyrnu. Ég veit ekkert hvort það hafi átt rétt á sér eða ekki. Ég held að það hafi verið þrjár til fjórar sekúndur sem fór í að óska eftir því, dómararnir höfðu núll húmor fyrir því og þetta var niðurstaðan. Engin áminning eða aðvörun eða nokkur skapaður hlutur. Eins og ég segi á ég eftir að fá nánari útskýringu á því.“

Það sem vakti líka helst athygli var að enginn á bekknum, og einnig Gunnar Oddur fjórði dómari, vissu hver væri að fá rauða spjaldið þegar Helgi Mikael, dómari leiksins, lyfti því í átt að bekk ÍA.

„Það virtist enginn vita það og hvað þá ég eða við. En þú verður að fá dómarann hingað til að útskýra þetta fyrir þér. Ég veit ekki hvað nákvæmlega það var en ég tek það á mig og tek á mig mína refsingu á þennan leik og næsta leik. Það verður bara að hafa það.“

Marko Vardic fór meiddur af velli í dag og hélt utan um öxlina. Þetta leit ekki vel út á vellinum en Rúnar Már kom inn fyrir hann.

„Hann fór úr axlalið.“ sagði Jón Þór um stöðu Marko eftir leik.

Jón segir að liðið þurfi að læra af þessum leik fyrir næsta leik sem er gegn KA.

„Ég var ósáttur með fyrri hálfleikinn með fyrri hálfleikinn. Við staðsettum okkur illa með og án boltans. Þegar við byrjuðum að gera það betur stóðum við okkur vel og það er klárt mál að við þurfum að gera það í 90 mínútur í næsta leik.“ sagði Jón Þór Hauksson, þjálfari ÍA, eftir 4-2 tap gegn KR í dag.