Arnar Gunnlaugsson var stoltur af sínu liði eftir gott tímabil og lét tap í síðasta leiknum í leik sem breytti engu varðandi stöðu deildarinnar ekkert á sig fá. Breiðablik vann síðasta leik tímabilsins 1-0 gegn Víkingum á heimavelli og lyftu þar með skyldinum.
Lestu um leikinn: Breiðablik 1 - 0 Víkingur R.
„Við hefðum getað fengið á okkur tíu mörk í dag, þetta var ekki alveg leikurinn sem tryggði Blikunum titilinn eða var einhver endapunktur á okkar tímabili.''
„Svona heilt yfir var sumarið okkar gott, og í rauninni frá janúar, ég er stoltur af strákunum fyrir hvað við gerðum í raun og veru. Blikarinn áttu sigurinn skilið í íslandsmótinu og við notum fagnaðarlætin þeirra í dag til þess að byrgja inni ákveðna reiði og öfund til að mæta sterkari til leiks í vetur.''
Viðtalið í heild sinni má sjá í spilaranum hér að ofan en þar fer Arnar yfir víðan völl.