„Alltaf ánægður með að skora sex mörk og vinna leikinn. Mér fannst þetta svolítið sérstakur leikur. Heilt yfir fyrri hálfleikurinn bara nokkuð góður hjá okkur þrátt fyrir að við komum okkur nokkur skipti í vandræði sjálfir og aftasta línan í smá brasi. Seinni hálfleikurinn fannst mér stór skrítinn, byrjum á því að gera stór mistök og fá á okkur mark. Mér fannst við halda ílla í boltann og þetta var svolítið svona ping pong, þeir voru meira boltann í seinni og pressuðu okkur og við náðum lítið að halda í boltann en fyrst og fremst ánægður með að ná að skora sex mörk." sagði Arnar Grétarsson,þjálfari Vals eftir 6-1 sigurinn á Fylki í Árbænum í kvöld
Lestu um leikinn: Fylkir 1 - 6 Valur
Valur fór með 4-0 forskot inn í hálfleikinn og Fylkismenn komu boltanum í netið eftir slæm mistök frá Birki Heimissyni og liðið hefur ekki enþá náð að halda hreinu í deildinni.
„Þetta er bara fótbolti og menn gera mistök, annars höfum við engin mörk en jú jú það er svekkjandi. Við ætluðum að reyna leggja upp með að halda markinu hreinu og taka fyrsta leikinn í deildinni þar sem við höldum hreinu en það gékk ekki eftir en sem betur fer fengum við bara eitt á okkur, við hefðum geta fengið á okkur fleiri."
Valur jafnaði topplið Víkings að stigum með sigrinum í kvöld en Víkingur á leik til góða. Næsti leikur Valsmanna er gegn KR.
„Það eru allir leikir í þessari deild erfiðir og þetta er náttúrulega spes leikur, það er alltaf ákveðin rígur á milli þessara félaga og ég veit það að stuðningsmenn leggja mikið upp úr þessum leik. Núna eru KR ingar í smá sárum, þeir eru ekki búnir að uppskera eftir því kannski því sem þeir eru búnir að leggja upp með þannig þeir koma örugglega dýrvitlausir en við ætlum líka að gera það og taka þessi þrjú stig sem eru í boði."
Hólmar Örn Eyjólfsson er ennþá meiddur og hafa meiðsli hans mikið verið til umræðu og talað um fjarveru hans í einhverjar tvær vikur í viðbót.
„Þessi nárameiðsli eru bara erfið, ég held hann sé komin í fjórar vikur eða eitthvað slíkt og ég veit ekki vika eða hálfur mánuður, ég er bara ekki það á hreinu. Hann verður ekki með okkur á móti KR, það er nokkuð ljóst, svo verður bara að koma í ljós hvað þetta tekur langan tíma."
