„Mér fannst við spila mjög vel í dag sértaklega í fyrri hálfleik. Við þorðum að spila boltanum og mér fannst það aðeins vanta í seinni hálfleikinn að þora að vera aðeins meira með boltann en við vörðumst gríðarlega vel og frábær stemming á vellinum sem hjálpar gríðarlega mikið og fá þetta svekkjandi mark á okkur er ansi þreytt og erfitt að kingja en svona er þessi fótbolti. Við þurfum að breyta þessari heppni okkur hag." sagði jóhann Berg Guðmundsson eftir svekkjandi 0-1 tap gegn Portúgal á Laugardalsvelli í kvöld.
Lestu um leikinn: Ísland 0 - 1 Portúgal
„Ég er því miður ekki búin að sjá markið aftur og get lítið um þetta sagt og eins og ég segi þetta var líka erfitt manni færri og þreyttar lappir. Mér fannst við vera mjög solid, margt jákvæt og eins svekktir og við erum þá er hægt taka fullt af jákvæðum hlutum og við þurfum bara að fara í næsta glugga og taka sex stig og vona það besta."
„Það er náttúrulega bara ef og hefði, við getum aldrei sagt hvernig það hefði farið. Hann er kominn inn í þetta núna og við erum með flott leikplan og ég held að við höfum sýnt það í þessum tveimur leikjum en það eru þessi smá atriði sem við þurfum að laga."
„Ég sagði við strákana fyrir leik að við þurfum að vera fókuseraðir allar mínútur og það má ekki slökkva á sér í eina sekúndu. Þetta eru þrjú mörk sem við eigum að koma í veg fyrir og við vonandi bara lærum af því og gerum betur næst en það eru fullt af jákvæðum punktum í þessum leikjum."
„Það hefur frábært að vinna með honum (Age Hareide) og vonandi verðum við bara enn betri. Þetta er auðvitað stuttur gluggi fyrir hann í þessum tveimur leikjum og mér sýnist það allaveganna á leik liðsins að þetta er upp á við og vonandi höldum við því áfram."
Viðtalið við Jóhann Berg má sjá í sjónvarpinu hér að ofan
