Birkir Már á æfingu í Katar.
Birkir Már Sævarsson, hægri bakvörður Vals, er aldursforesti í íslenska landsliðshópnum sem mætir Svíþjóð og Eistlandi í vináttuleikjum í Katar á næstu dögum.
„Þetta er fínt. Ég átti von á Kára (Árnasyni) og héld að ég yrði ekki aldursforseti . Hann dró sig út vegan aldurs og ég tek þetta á mig." sagði Birkir hress við Fótbolta.net eftir fyrstu æfingu landsliðsins í Katar í gær en Ísland mætir Svíþjóð á föstudag.
„Ég hlakka til að spila á móti Svíþjóð. Ég þekki einhverja í liðinu og hef spilað á móti þeim öllum áður. Það verður gaman að spreyta sig á móti þeim."
Þyrstir í sigur
Íslenska landsliðið náði einungis einum sigri árið 2018 en hann kom í vináttuleik gegn Indónesíu. Birki er farið að þyrsta í sigur með landsliðinu.
„Það er orðið alltof langt síðan. Það er löngu kominn tími á að við vinnum leik og það væri fínt að taka sigur núna og byrjar árið vel."
Hungur í hópnum hjá Val
Valsmenn fengu í fyrradag Gary Martin, Emil Lyng og Lasse Petry til liðs við sig fyrir næsta sumar.
„Þetta eru leikmenn sem okkur vantaði. Það var aðeins farinn að þynnast hópurinn. Kiddi (Kristinn Freyr Sigurðsson) er í brasi og Patrick (Pedersen) er farinn þannig að okkur vantaði sóknarmenn til að auka breiddina í hópnum," sagði Birkir.
„Ef við ætlum að vinna titilinn í þriðja skipti og fara lengra í Evrópukeppni þá þurfum við stóran hóp og góð gæði. Þessir leikmenn sem komu í gær (í fyrradag) líta vel út. Við erum alls ekki saddir. Við ætlum að reyna að vinna allt sem við getum unnið og fara lengra en annað lið hefur gert í Evrópukeppninni," sagði Birkir að lokum.
Hér að ofan má sjá viðtalið í heild sinni.
Athugasemdir
