Tíu ungir og spennandi til að fylgjast með í Lengjudeildinni

Tómas Johannessen, Grótta - (2007)
Fréttaritari spilaði einmitt æfingaleik gegn Tómasi í vetur og hann hreif mig upp úr skónum og maður trúði því varla hann væri ennþá í grunnskóla því hann fór ansi illa með okkur í þessum leik. Rosalega tæknilega góður sóknarþenkjandi miðjumaður sem ég vona að verði í stóru hlutverki hjá Gróttu í sumar en hann lék sex leiki síðasta sumar. Alex Bergmann Arnarsson leikmaður Njarðvíkur var í Hin Hliðin fyrir ekki svo löngu og hann hafði þetta að segja um Tómas - „Spilaði móti Gróttu í vetur og það var einn baller í því liði. Tómas Johannessen, hann var með þessar Musiala drillur" . Þess má einnig geta að Tómas hefur verið á reynslu hjá liðum eins og Feyenoord, Genk og Malmö.



Júlíus Mar Júlíusson, Fjölnir - (2004)
Uppalinn Fjölnismaður og yngri bróðir Gumma Júl sem margir þekkja fyrir tíma sinn hjá Fjölni og HK. Júlíus er miðjumaður sem getur leyst hafsentinn og kemur til með að gera það en hann lék þar einmitt gegn Breiðabliki í Mjólkurbikarnum en er miðjumaður fyrst og fremst. Júlíus lék 15 leiki síðasta sumar með Fjölni og skoraði 1 mark og á hann 3 leiki fyrir U19 ára lið Íslands, engin spurning að Júlíus verði í stóru hlutverki í Grafarvoginum í sumar.



Bjarni Guðjón Brynjólfsson, Þór - (2004)
Ég hef því miður ekki séð þennan ágæta dreng spila en maður tekur eftir því að hann er alltaf skora fyrir Þórsara. Hann hefur skorað 11 mörk í 37 leikjum í Lengjudeildinni sem er ótrúlega gott miðað við ungan aldur og 55 leiki í heildina sem er mjög vel gert. Þess má einnig geta að Bjarni á 9 leiki fyrir U19 ára liðs Íslands. Samkvæmt leikmanni sem hefur spilað og æft með Bjarna er hann sterkur leikmaður sem er góður á boltanum, frábær að snúa menn af sér og klókur að fá menn í sig og fá brot þannig það er klárt mál að Bjarni verður í lykilhlutverki í sumar.



Haukur Andri Haraldsson, ÍA - (2005)
Litli bróðir Hákons Arnars og Tryggva Hrafns sem er búinn að vera í lykilhlutverki á undirbúningstímabilinu og braust almennilega inn í lið Skagamanna í fyrra og ég trúi ekki öðru en hann verði í stóru hlutverki í sumar. Siggi Höskulds aðstoðarþjálfari Valsmanna sagði í útvarpsþætti Fótbolta.net í vetur/vor að þetta yrði líklega síðasta sumarið hans á Íslandi, alvöru kröfur sem Siggi gerir til Hauks Andra og vonandi endurspeglast það á vellinum í sumar.



Arnar Daníel Aðalsteinsson, Grótta - (2004)
Hafsent sem er 19 ára gamall og gekk til liðs við Gróttu frá Breiðabliki í vetur en Arnar lék einmitt með Gróttu á síðasta tímabili en á láni frá Blikum, hann lék 21 leik síðasta sumar. Arnar er nútíma varnarmaður með mikinn hraða og styrk og einnig góður á boltanum, Arnar verður í samkeppni um stöðu sína í vörninni, miðað við stefnu Gróttu sem spila mikið á ungum leikmönnum en Arnar var í U19 hópnum sem tryggði sér sæti á EM í sumar þannig ég trúi ekki öðru hann verði í miklu hlutverki í sumar.



Hrafn Guðmundsson, Afturelding - (2006)
Kröftugur framherji sem á 8 leiki fyrir yngri landslið Íslands og er hægt og rólega að brjótast inn í lið Magnúsar Einarssonar. Samkvæmt góðu síðunni Transfermarkt byrjaði Hrafn 8 leiki og kom inn á 5 sinnum síðasta sumar aðeins 16 ára gamall þannig það kæmi ekkert á óvart að Hrafn sem er árinu eldri, reynslunni ríkari að hann byrji nóg af leikjum og fái mörg tækifæri til þess að láta ljós sitt skína í Pizzabænum í sumar.



Andi Hoti, Leiknir R. - ( 2003)
20 ára varnarmaður sem verður í lykilhlutverki í hjarta varnarinnar í Breiðholtinu. Fréttaritari ætlar að gefa Sigga Höskulds orðið sem talaði um Andi í útvarpsþætti Fótbolta.net í byrjun marsmánaðar. „Andi Hoti er að koma til baka eftir að hafa fengið tvö tímabil í meistaraflokki (með Þrótti og Aftueldingu). Hann er unglingalandsliðsmaður og fyrir mér er hann besti ungi leikmaðurinn í þessari deild, hann gæti verið einn besti hafsent deildarinnar í sumar".



Daníel Ingi Jóhannesson, ÍA - (2007)
Einn efnilegasti og mest leikmaður landsins þessa daganna en Daníel er auðvitað yngri bróðir Ísak Bergmanns og sonur Jóa Kalla eins og flestir kannski vita. Daníel spilaði sinn fyrsta meistaraflokks leik síðasta sumar með ÍA í Bestu-deildinni. Fyrir þá sem eiga eftir og langar að sjá Daníel spila þá verður fólk að gera það sem allra fyrst því það bara styttist og styttist í að Daníel fer í atvinnumennsku en hann hefur farið á reynslu til FC Kaupmannahafnar og FC Nordsjælland, það kæmi mér virkilega á óvart ef að Daníel verður í ÍA næsta sumar...



Baldur Hannes Stefánsson, Þróttur R. - (2002)
Elsti leikmaðurinn á þessum lista. Herra Þróttur leyfi ég mér nánast að segja en Baldur er 21 árs gamall varnartengiliður og á allt í allt 112 leiki fyrir Þróttara en hann er auðvitað uppalinn í Laugardalnum. Baldur hefði getað samið við Fram fyrir ekki svo löngu en hann ákvað að framlengja samning sinn við uppeldisfélagið. Þróttarar unnu á dögunum Fram 3-2 í Mjólkurbikarnum þannig kannski verða Þróttarar spútnik lið Lengjudeildarinnar í ár og Baldur sem er varnartengiliður mun verða 100% lykilmaður í sumar. Þess má einnig geta að Baldur á 21 leik fyrir yngri landslið Íslands og var hann í nýjasta æfingahóp U-21 landsliðsins.



Davíð Júlían Jónsson, Leiknir - ( 2004)
Heimastrákur úr Breiðholtinu sem kom inn með ferska vinda í lið Leiknis á síðasta tímabili og var í tvígang valinn í Sterkasta lið umferðarinnar í Bestu deildinni. Miðjumaður sem er mjög öruggur á boltann, útsjónarsamur og með lágan þyngdarpunkt. Æfði með NEC Nijmegen til reynslu í vetur og mun án nokkurs vafa fá enn stærra hlutverk í Breiðholtinu í sumar þar sem hugmyndafræði Vigfúsar Arnars ætti að henta honum gríðarlega vel.