| mið 17.apr 2019 16:30 Mynd: Fótbolti.net - Hafliði Breiðfjörð |
|
Spá Fótbolta.net - 4. sæti: Breiðablik
Sérfræðingar Fótbolta.net spá því að Breiðablik endi í 4. sæti í Pepsi Max-deildinni í sumar. Fréttaritarar spá í deildina en þeir raða liðunum upp í röð og það lið sem er í efsta sæti fær 12 stig, annað sæti 11 og svo koll af kolli niður í tólfta sæti sem gefur eitt stig. Breiðablik endar í 4. sæti ef spáin rætist.
1. ?
2. ?
3. ?
4. Breiðablik 90 stig
5. Stjarnan 76 stig
6. ÍA 69 stig
7. KA 65 stig
8. Fylkir 45 stig
9. Grindavík 35 stig
10. ÍBV 34 stig
11. Víkingur R. 25 stig
12. HK 12 stig
Um liðið: Silfur bæði í deild og bikar hjá Breiðabliki var niðurstaðan í fyrra. Breiðablik endaði tveimur stigum á eftir Val og liðið fékk aðeins 17 mörk á sig í deildinni.
Þjálfari - Ágúst Þór Gylfason: Ágúst Þór er að renna í sitt annað tímabil með Breiðabliki eftir að hafa verið í sex ár með Fjölni. Hann gerði góða hluti bæði með Fjölni og með Breiðabliki á sínu fyrsta ári. Ágúst lék meðal annars með Brann í Noregi á ferli sínum sem leikmaður.
Styrkleikar: Gríðarlega sterkir varnarlega og skeinuhættir fram á við. Fengu lang fæstu mörkin á sig í deildinni í fyrra og halda svipaðri vörn. Verða með Thomas Mikkelsen frá upphafi en hann kom til Blika um mitt sumar í fyrra og var á eldi. Daninn skoraði 10 mörk í 11 leikjum.
Veikleikar: Nokkrir lykilmenn hafa horfið á braut og ljóst að leikmannahópurinn er minni en í fyrra. Vinstri bakvörðurinn Davíð Kristján Ólafsson fór í Álasund og það gæti reynst erfitt að fylla skarð hans. Liðið má illa við meiðslum eða leikbönnum hjá lykilmönnum.
Lykilmenn: Thomas Mikkelsen og Damir Muminovic. Daninn var óstöðvandi í sóknarleik Blika seinna hluta síðasta tímabils og nú eru Blikarnir með hann frá upphafi. Damir hefur verið einn besti varnarmaður deildarinnar undanfarin ár og batt saman sterkustu vörn deildarinnar í fyrra.
Gaman að fylgjast með: Það verður fróðlegt að fylgast með Kwame Quee frá Sierra Leóne sem spilað hefur í Ólafsvík undanfarin tvö tímabil og sló í gegn í Inkasso-deildinni síðasta sumar og skoraði 14 mörk í 25 leikjum fyrir Víking Ó.
Spurningamerkið: Hvernig kemur Guðjón Pétur Lýðsson inn í lið Breiðabliks? Hann gekk í raðir liðsins aðeins tveimur vikum fyrir mót en hann gæti verið púsluspilið sem þurfti til að fylla skörð Gísla Eyjólfs og Olivers Sigurjónssonar.
Völlurinn: Eftir að hafa boðið upp á einn flottasta grasvöll landsins leika Blikar á gervigrasi á sínum heimavelli í sumar. Stúkan tekur 1.700 áhorfendur í sæti. Sólin mætti skína oftar í stúkuna en fyrir sólarþyrsta áhorfendur þá er minni stúka hinum megin við völlinn sem er yfirleitt opin þegar sólin skin.
Þjálfarinn segir - Ágúst Þór Gylfason
„Miðað við frammistöðuna í fyrra þá kemur þessi spá mér á óvart í rauninni. Við viljum meira og við höfum sett okkur markmið sjálfir um að gera betur í fyrra og við viljum vinna titil. Við erum bjartsýnir á að þessi hópur sem við erum með geti gert betur en í fyrra. Við höfum misst ákveðna reynlu úr liðinu og karakter en að móti kemur erum við með góða leikmenn og marga unga leikmenn sem eru að stíga upp og verður skemmtilegt að vinna með. Við erum með góða blöndu í hópnum af ungum og óreyndum leikmönnum og síðan eldri og reyndum leikmönnum. Við höfum bætt við okkur fjórum leikmönnum og þeir passa allir mjög vel inn í okkar umhverfi. Þetta verður aðeins öðruvísi lið frá því í fyrra en við ætlum okkur stóra hluti í sumar."
Komnir:
Kwame Quee frá Víkingi Ólafsvík
Viktor Karl Einarsson frá IFK Varnamo
Þórir Guðjónsson frá Fjölni
Guðjón Pétur Lýðsson frá KA
Farnir:
Arnór Gauti Ragnarsson í Fylki
Arnþór Ari Atlason í HK
Davíð Kristján Ólafsson í Álasund
Gísli Eyjólfsson til Mjallby (á láni)
Oliver Sigurjónsson til Bodo/Glimt (var á láni)
Ólafur Íshólm Ólafsson í Fram (á láni)
Willum Þór Willumsson í BATE Borisov
Aron Kári Aðalsteinsson í HK (á láni)
Fyrstu fimm leikir Breiðabliks:
27. apríl Grindavík - Breiðablik
4. maí HK - Breiðablik
11. maí Breiðablik - Víkingur R.
15. maí KA - Breiðablik
19. maí Breiðablik - ÍA
Sjá einnig:
Hin hliðin - Viktor Karl Einarsson
Niðurtalningin: Breiðablik - Brynjólfur Darri og Gulli Gull
Leikmenn Breiðabliks sumarið 2019:
1 Gunnleifur Gunnleifsson
4 Damir Muminovic
5 Elfar Freyr Helgason
6 Alexander Helgi sigurðarson
7 Jonathan Hendrickx
8 Viktor Einarsson
9 Thomas Mikkelsen
10 Guðjón Pétur Lýðsson
12 Ólafur Íshólm Ólafsson
14 Óskar Jónsson
16 Guðmundur Böðvar Guðjónsson
17 Þórir Guðjónsson
19 Aron Bjarnason
20 Kolbeinn Þórðarson
21 Viktor Örn Margeirsson
22 Karl Friðleifur Gunnarsson
23 Skúli E. Kristjánsson Sigurz
25 Davíð Ingvarsson
29 Gísli Martin Sigurðsson
30 Andri Yeoman
31 Benedikt V Warén
33 Hlynur Örn Hlöðversson
35 Brynjar Óli Bjarnason
36 Aron Kári Aðalsteinsson
37 Ólafur Guðmundsson
38 Bjarni Þór Hafstein
39 Gabríel Þór Stefánsson
40 Gunnar Heimir Ólafsson
41 Ísak Eyþór Guðlaugsson
43 Stefán Ingi Sigurðarson
45 Brynjólfur Darri Willumsson
46 Eiríkur Blöndal
47 Þorbergur Þór Steinarsson
50 Sindri Snær Vilhjálmsson
80 Andri Fannar Baldursson (láni hjá Bologna)
77 Kwame Quee
Spámennirnir: Arnar Daði Arnarsson, Arnar Helgi Magnússon, Benedikt Bóas Hinriksson, Daníel Geir Mortiz, Elvar Geir Magnússon, Guðmundur Aðalsteinn Ásgeirsson, Gunnar Birgsson, Hafliði Breiðfjörð, Magnús Már Einarsson, Tómas Þór Þórðarson
Athugasemdir
